వాళ్ళు అనుకున్నది అనుకున్నట్లు జరిగి ఉంటే - ఈ పాటికి ఆర్ధిక రంగంలో ఇంకా చాలా జరిగి ఉండేవి. ఆర్ధికమాంద్యం అసలు వచ్చేదే కాదు. ఎందుకంటే - ఆర్ధిక మాంద్యానికి దారి తీసిన [ఆమెరికాలో కోకొల్లలుగా ఇవ్వబడిన స్వంత ఇంటి ఋణాలు వంటి] పరిస్థితులే సంభవించి ఉండేవి కావు. పైకి ప్రచారింపబడిన పైకారణాల (over leaf reasons) వెనకనున్న అసలు కారణాలని తర్వాత పరిశీలిద్దాం. ఇప్పటికి పైన చెప్పిన విషయాన్ని కొనసాగిస్తాను.

నెం.5 వర్గానికి, నకిలీ కణిక వ్యవస్థ, నెం.10 వర్గపు ఆనుపానులు తెలియకపోయి ఉంటే... ఇప్పుడు బహిర్గత మౌతున్న ఎన్నో విషయాలు, గుట్టుచప్పుడు గాకుండా ఉండిపోయేవి. ఆర్ధిక ఆకాశ(కాగిత)హర్మ్యాలు కుప్పకూలి ఉండేవి కావు.

2008, సెప్టెంబరులో 150ఏళ్ళ లేమాన్ బ్రదర్స్ వంటి కంపెనీలు కుప్పకూలిపోవటమే ఎక్కువగా ప్రచారమైంది. 1998లోనే... లండన్ లో అప్పటికి రమారమి 216 ఏళ్ళ చరిత్ర కలిగిన లయన్ బ్రేవరీస్, కేవలం కుటుంబ కలహాలతో కుప్పకూలిపోవటం, వారి మద్యం యొక్క వ్యాపారనామం (Brand Name) చేతులు మారటం... పెద్దగా ప్రచారం లేకుండానే మరుగున పడిపోయింది. మహా అయితే తాత్కాలికంగా, వీలైతే స్థానిక మీడియాతో సరిపెట్టేస్తారు మరి!

2001, జూన్ తొలిరోజుల్లో, నేపాల్ నాటి రాజు బీరేంద్ర కుటుంబాన్ని, అతడి కుమారుడే ‘సింధియాల మేనకోడలితో పెళ్ళి వద్దన్న’ కారణంగా కాల్చి చంపేసి, ఆనక తనని తాను ‘వెన్నులో(?)’ కాల్చుకుని చనిపోయిన కుటుంబ కలహాలు ఎలాంటివో, ఇవీ అలాంటివే! వ్యవస్థీకృతంగా నిర్వహించబడేవి. కాకపోతే... నకిలీ కణిక వ్యవస్థ, నెం.10 వర్గం... ‘కన్నా?’ ‘కాలా?’ స్ట్రాటజీలో అప్పటికి వదిలేసుకున్న ‘కాలు’ వంటి కంపెనీలవి.

ఏదేమైనా... వెరసి అలాంటి ఎన్నో వ్యవహారాలు ప్రచారంతో వెలుగు చూడవన్నదే చెప్పొచ్చేది! లేకపోతే 216 ఏళ్ళపాటు తరతరాలుగా సాగిన కుటుంబ ఐక్యత, 1992 తర్వాత ఆరేళ్ళకే విచ్ఛిన్నం కావాలా? నిజానికి... నెం.5 వర్గంతో ప్రారంభమైన ‘మెదళ్ళతో యుద్ధం’లో భాగమే అది!

ఇలాంటిదే మరో ఉదాహరణ: జపాన్ ఆర్ధిక మాంద్యంలో చిక్కుకుని 20ఏళ్ళయ్యిందని, ఇటీవల తరచుగా వినబడుతున్నమాట. అంటే 1990లోనే జపాన్ ఆర్ధిక మాంద్యంలో పడి ఉండాలి.

అయితే, 1995 వరకూ కూడా... ‘జపానీయుల పని సంస్కృతి గురించీ, ఎలక్ట్రానిక్ పరికరాలని సూక్ష్మపరిమాణంలో తయారు చేయగల వారి నేర్పు గురించీ, ప్రపంచ మార్కెట్టులో జపాన్ వాటా గురించీ, మొత్తంగా జపాన్ లో గృహ పరిశ్రమ స్థాయిలో విస్తరిల్లిన ఎలక్ట్రానిక్ పరిశ్రమ గురించీ’ మీడియాలో ఊదర పెట్టబడింది.

ఒక్కమాటలో చెప్పాలంటే - ‘జపాన్ అంటే చిన్న దేశమైనా ఎంతో గొప్పదేశం! ఏ కోణంలో చూసినా, జపాన్ ఆసియాలోనే తలమానికం వంటిది’ అనే ప్రచారమే నడిచింది. మరి 1990లోనే అది ఆర్దిక మాంద్యంలో చిక్కుకుంటే, తొలినాళ్ళల్లో జపాన్ ‘తన గుట్టు బయటకి రాకుండా కాపాడుకుందను’కున్నా, అయిదేళ్ళు గడిచినా... 1995 నాటికి కూడా... విషయం బయటికి పొక్కలేదా?

అంతర్జాతీయ మీడియా అసలు నిజాన్ని పసిగట్ట లేకపోయిందా? అందునా చీమచిటుక్కుమన్నా తెలుసుకోగలిగే సీఐఏకి, ఏ వార్తనైనా వాసన పట్టేసే బీబీసీకి కూడా తెలియక పోయిందా?

నిజానికి.... జపాన్ ఆర్ధికంగా కూలడం ప్రారంభమైంది 1992 తర్వాతే! నెం.5 వర్గానికి... నకిలీ కణిక వ్యవస్థ, నెం.10వర్గపు ఉనికి, కుట్రతీరు అర్ధమయ్యాకే! వాళ్ళ మధ్య ‘మెదళ్ళతో యుద్ధం’ ప్రారంభమయ్యాకే! 1995 వరకూ కూడా జపాన్ విషయంలో పరిస్థితిని నిభాయించుకుంటూ వచ్చారు నకిలీ కణిక వ్యవస్థ, నెం.10 వర్గమూ కూడా!

అచ్చంగా 2001 సెప్టెంబరు తర్వాత, అమెరికా మాంద్యంలోకి ప్రవేశించినా, ఆ విషయాన్ని 2008 సెప్టెంబరు తర్వాతే, ప్రస్ఫుటంగా బయటపెట్టుకున్నట్లు, అప్పటి వరకూ పరిస్థితుల్ని నిభాయించుకో ప్రయత్నంచినట్లు! [అందుకే యిన్నేళ్ళు గడిచినా ఆర్ధికమాంద్యానికి పరిష్కారమే కొనుక్కోలేకపోయారు, జపాన్ లో అయినా, మరెక్కడయినా!?]

ఇక జపాన్ ఆర్ధిక మాంద్యం, 1992 తర్వాత ప్రారంభమై 1995 కి పెరిగినప్పటికీ, ఇప్పుడు [అంటే 18ఏళ్ళ తర్వాత 2010 లో] "జపాన్ ఆర్ధిక మాంద్యంలో కూరుకుపోయి 20 ఏళ్ళయ్యింది" అన్న కొత్తపాట ప్రారంభించారు. ఎందుకంటే - నెం.5 వర్గానికీ నకిలీ కణిక వ్యవస్థ, నెం.10 వర్గానికీ మధ్య జరుగుతున్న మెదళ్ళతో యుద్దంలో, అసలు నిజాలని దాచి, అసత్యాలు ప్రచారించేందుకు! తద్వారా "అదేం లేదు, కుట్ర అంతకంటే లేదు. అన్నీ సహజంగా జరుగుతున్నాయి. ఫలానా ABC కారణంగా ఈ XYZ జరిగింది. ఫలానా pqr కారణంగా ఈ def జరిగింది" అని ప్రచారించేందుకు!

కాబట్టే మరో రెండేళ్ల వెనక్కి వెళ్ళి, ‘జపాన్ 1990లోనే ఆర్దిక మాంద్యంలో చిక్కుకుంది’ అనటం!

అలాంటిదే ఇటీవలి కాలంలో... భారత్ పేరు ప్రక్కనే ద్వంద్వ సమాసం స్థాయిలో, చైనా పేరు జపించడం కూడా!

అందులో ఒక స్ట్రాటజీ... ‘భారత్ కు జాతరబొమ్మగా చైనా’ను చూపించడం. కాగా ‘శరవేగంగా అభివృద్ధి చెందుతున్న, భవిష్యత్తులో అగ్రదేశం కానున్న భారత్’ అంటూ కీర్తిపాటలు పాడేటప్పుడు, కేవలం భారత్ పేరే గాకుండా, చైనా పేరూ జత చేర్చడం రెండో స్ట్రాటజీ! చింత చచ్చినా పులుపు చావనితనానికి ఇదో ప్రతీకన్న మాట! నెం.5 వర్గానికి అహపు సంతృప్తి కలిగించడానికి... భారత్ కీర్తిగానం, చట్టసభల్లో వేదమంత్రాల ప్రారంభం వంటి ఈవెంట్స్ నిర్వహించడం ఇటీవల పరిపాటి అయ్యింది.

కాకపోతే... నకిలీ కణిక వ్యవస్థ,నెం.10 వర్గమూ, అందులోని కీలక వ్యక్తులు ప్రయోగించే ‘అహాన్ని సంతృప్తి పరచడం లేద అహాన్ని రెచ్చగొట్టటం’ (మరో మాటలో చెప్పాలంటే - అందితే జుట్టు అందకపోతే కాళ్ళు పట్టుకోవటం!) నెం.5 వర్గం మీద ఫలించక పోవడమే, ఇప్పుడు వాళ్ళకి ప్రాణసంకటమయ్యింది.

ఇంకొంచెం విపులంగా చైనా వ్యవహారాన్ని పరిశీలిస్తే... ఇప్పుడు మాటి కొస్తే ‘భారత్, చైనాలదే రేపటి రోజు’ అనో ‘రానున్న కాలంలో హవా భారత్ చైనాలదే’ అనో ఊదర పెడుతున్న సంగతి పక్కన పెడదాం.

2008 సెప్టెంబరు తర్వాత, అమెరికాని ఆర్ధిక మాంద్యం ఎత్తికుదేయటం ప్రారంభించినప్పుడు... పదే పదే వినబడిన మాట ఒకటుంది. ‘చైనా దగ్గర లక్షకోట్ల డాలర్లున్నాయని, అది గనక వాటిని మార్కెట్ లోకి విడుదల చేస్తే... దెబ్బకి ఆర్ధిక మాంద్యం సమసి పోతుందని!’ ఇప్పుడు (అంటే 2009 సెప్టెంబరులో వై.యస్. మృతి చెందాక) ఆరోపణల రీత్యా, లక్షకోట్ల రూపాయలు చౌకయి పోయాయి గానీ, రెండేళ్ళ క్రితం లక్ష కోట్ల డాలర్లు (అంటే రమారమి 50లక్షల కోట్ల రూపాయలు) చాలా ఎక్కువనే చెప్పబడ్డాయి.

అప్పటి నుండీ... చైనా గురించి ఇలాంటి కబుర్లు చాలానే చెప్పారు గానీ, ఆ చైనా దగ్గరుందని చెప్పబడ్డ లక్ష కోట్ల డాలర్లని విడుదల చేసిందీలేదూ, ఆర్ధిక మాంద్యం అంతమయ్యిందీ లేదు. ఇంతలో... ఓ ప్రక్క... మీడియా, ఆర్ధిక నిపుణులు... ‘ఇదిగో ఆర్ధిక మాంద్యం నుండి బయట పడ్డాం, అదిగో ఆర్ధిక మాంద్యం అంతమైంది’ గట్రా ప్రచారాలు శక్తివంచన లేకుండా చేశారు, చేస్తూనే ఉన్నారు.

మరోప్రక్క... అమెరికా,యూరప్ లలో కుప్పలుగా ఉద్యోగాలు ‘హుష్ కాకి’ అయిపోతూనే ఉన్నాయి. తెప్పలుగా బ్యాంకులూ, ఇతర వ్యాపార సంస్థలూ దివాళా తీస్తూనే ఉన్నాయి.

అసలింతకీ... చైనా దగ్గర లక్ష కోట్ల డాలర్లు ఉన్నాయో లేవో ఎవరికీ తెలీదు. అంతర్జాతీయ విఫణిలో దాని కరెన్సీ మారక విలువని సవరించ (revise)మంటే, అది వినటమూ లేదు. ఆ జాబితాలో మరికొన్ని దేశాలు కూడా ఉన్నాయి లెండి. డాలర్ మారకంతో తమ కరెన్సీ విలువ తరుగుతుందని కాదు, పెరుగనుండగా కూడా సవరించడం లేదు. ఎవరి కారణాలు వాళ్లవి మరి! కమ్యూనిజపు ఇనుప తెరలకి ఆవల ఏముందో... తెర తీసినప్పుడు కదా తెలిసేది?

1990లో USSR కుప్పకూలక ముందు, నాటి రష్యా గురించి కూడా ఇలాగే చెప్పబడింది. తీరా ఆ దేశం కుప్పకూలి, లెనిన్ గ్రాడ్ కాస్తా సెయింట్ పీటర్స్ బర్గ్‌గా పునరవతరించాక... చూస్తే ఏముంది? గొప్పగా ఇతర దేశాలకు సాయమందించిన, సీఐఏతో పోటాపోటీగా కేజీబి సమర్ధ ఏజన్సీగా కీర్తించబడిన... రష్యాలో, దారిద్ర్యం తాండవించడం చూసి... లెనిన్ గ్రాడ్ సెంటర్ లో బాలలు, పర్యాటకులని చెయ్యిచాచి బిక్షమడగటం చూసి... యావత్ర్పపంచం నివ్వెర పోయింది.

ఇది దేశాలకే కాదు, దివాళా తీసే కంపెనీలకీ వర్తిస్తుంది. అదే ఆర్దిక మాంద్యం రూపేణా ఇప్పుడు దేశాలని వణికిస్తున్న పరిస్థితి! అందుకే గత టపాలలో... రెండవ ప్రపంచ యుద్దానంతరం, దివాళా తీసిన యూరప్ దేశాల నేపధ్యంలో... మొన్న బ్రిటన్, నిన్న రష్యా, ఈ రోజు అమెరికా(?) కుప్పకూలితే ఆశ్చర్యమేమీ లేదనీ, అన్నిటి వెనకా శతాబ్దాలుగా పరుచుకున్న నకిలీ కణిక వ్యవస్థ తాలూకూ గూఢచార వలయమే, దీనంతటికీ అంతస్సూత్రమనీ వ్రాసాను.

1920లలో మహామాంద్యం తరువాత అప్పటి వరకూ బ్రిటన్, యూరప్ కంపెనీల వ్యాపార సామ్రాజ్యాన్ని అమెరికా అందుకొని ఇప్పటి వరకూ నిలబెట్టుకుంది. ఇప్పుడు ఈ మాంద్యం తర్వాత... భారత్, చైనా పేర్లు వినపడుతున్నాయి. అప్పటికి, ఇప్పటికి, ఒక పోలిక ఏమిటంటే - 1920 మహామాంద్యం తరువాత అమెరికాతో పాటు రష్యా కూడా, దానికి సమాంతరం (జాతర బొమ్మలా) గా 1990 వరకూ నడిచింది. అలాగే ఈ మాంద్యంలో భారత్, చైనా పేర్లు వినబడుతున్నాయి. నిజం బయటపడ్డాక నిగ్గు తేలుతుంది.


మరిన్ని విషయాలతో తదుపరి టపా.
అందాకా అమ్మ కడుపు చల్లగా అందరికీ మంచి జరగాలి.
సర్వేజనా సుఖినో భవంతు!

2 comments:

deeni ki rothschilds ki emanna sambandham unda? valla gurinchi kuda ilanti vishayale vinabadutunnay...

అజ్ఞాత గారు: ‘rothschilds’ ఈ విషయం నాకు ఎప్పుడు క్రాస్ అవ్వలేదండి. తెలిసిన రోజు తప్పకుండా చెబుతాను.

Post a Comment

నా చిన్నారి బ్లాగు:

నా ఇతర బ్లాగులు:

Followers

Labels

Blog Archive

Political Coups, History, stories, Philosophy, life story and many things.
మాలిక: Telugu Blogs
కూడలి

Add-Telugu