ఇప్పుడు ఓ విషయం పరిశీలించండి. అమెరికా దేశపు జనాభా 30 కోట్లకు పైనే! అందరికీ గుర్తింపు కార్డులు, సంఖ్యలూ ఉన్నాయి. వాటి ఆధారంగా ప్రభుత్వం దగ్గర తమ దేశంలోని వ్యక్తులందరి వివరాలు ఉంటాయి. ప్రభుత్వ శాఖ దగ్గర ఉన్నాయంటే ఆ దేశపు గూఢచార ఏజన్సీ దగ్గరా ఉంటాయి. ఈ విధమైన ఏర్పాటు మరి కొన్ని దేశాల్లోనూ ఉంది.

అంటే, ఆయాదేశాల్లో వ్యక్తులందరి చిట్టాపద్దులూ, ఆయాదేశాల గూఢచార ఏజన్సీల దగ్గర ఉంటాయన్నమాట. శతాబ్దాల సుదీర్ఘకాలంగా వేళ్ళూనుకున్న నకిలీ కణిక వ్యవస్థ, ప్రపంచవ్యాప్తంగా, దాదాపు అన్నిదేశాల నుండీ ఇటువంటి సమాచారాన్ని సంపాదించి, సంక్షీప్తకరించుకుంది. అట్టడుగు నుండి పైస్థాయి దాకా... నూటికి నూరు శాతం అందరివీ గాకపోయినా.... అత్యధికులవీ, అవసరం అనుకున్న వారివీ పూర్తి వివరాలు సేకరించబడతాయి. ఇందుకు మనదేశం కూడా మినహాయింపు కాదు.

అయితే దీన్ని సాధారణంగా నమ్మలేం. ఎక్కడో ఏ అమెరికా వంటి దేశాల్లోనో అందరికీ గుర్తింపు కార్డులూ సంఖ్యలూ ఉండటం, అందరి వివరాలు ప్రభుత్వం దగ్గర ఉండటం సాధ్యమే గాని, మనదేశంలో మాత్రం సాధ్యం కాదనుకుంటాం. నిజానికి ఇది సుదీర్ఘకాలంగా మనకి ఇంకించబడిన ఆత్మన్యూనతా భావమే! 30 కోట్లమంది ఉన్న అమెరికాకి సాధ్యమైంది నూరు కోట్లున్న మనకి సాధ్యం కాదా? ఇక తమ స్వంత నెట్ వర్క్ కలిగిఉన్న నకిలీ కణిక వ్యవస్థకి సాధ్యం కాదా? [మీడియా ఆయా ఊళ్ళల్లో ఎవరెవరు ప్రముఖులో తేలికగా చెప్పగలదు కదా!వాళ్ళ వ్యాపార వివరాలు, వాళ్ళ నడవడికలు మొదలైనవి తేలికగా సేకరించగలదు కూడా.]

విమానాల సాంకేతిక ఆవిష్కరణకి ముందు, వేల కిలోమీటర్లని గంటల్లో దాటగలం అంటే నమ్మలేం. ఇంటర్ నెట్ సాంకేతికత తెలియక ముందు, క్షణాల్లో సమాచారం ఇచ్చిపుచ్చుకోగల మంటే నమ్మలేం. అలాగే కంఫ్యూటర్ పరిజ్ఞానం గురించి, సమాచారాన్ని సంక్షిప్తీకరించి నిల్వచేయగల సాంకేతికతల గురించి తెలియని రోజుల్లో దీన్ని నమ్మలేం. ఆయా సాంకేతిక పరిజ్ఞానాలని రహస్యంగా ఉంచుకుని, తాము వాటి అడ్వాంటేజ్ లని పొందటం, తదుపరి ఆవిష్కరణ చేతికందాక, అప్పటి వరకూ తాము వినియోగిస్తున్న సాంకేతికతని బహిరంగం చేయటం అన్న ప్రక్రియలని గూఢచార ఏజన్సీలు అనుసరిస్తుంటాయి. వీటి గురించి వివరణ నా గతటపాలలో చేసాను.

ఆ విధంగా నకిలీ కణిక వ్యవస్థ దగ్గరున్న ’అందరి చిట్టాపద్దులు, ఎవరు ఎవరికి జాతరబొమ్మలు/జంట పీతలు, మొదలైన అన్ని వివరాలు కూడా, నకిలీ కణిక వ్యవస్థనీ, నెం.10 వర్గాన్నీ Take over లేదా over power చేసిన నెం.5 వర్గానికీ అందుబాటులోకి వచ్చాయి. తమ తాలూకూ నెట్ వర్క్ వలయంలోకి, ఆ విధంగా చొరబడిన నెం.5 వర్గం, తమ సమాచార మార్పిడిని Tamper చేసి, తమకే ఆత్మహత్యా సదృశ్య Assignments ఇస్తోంది. తత్ఫలితంగా తాము Expose అవుతున్నారు. సువర్ణముఖిలు అనుభవిస్తున్నారు - ఇదీ ప్రస్తుతం నకిలీ కణిక వ్యవస్థ, నెం.10 వర్గాల పరిస్థితి.

గతంలో తాము ఎవరో, ఎక్కడి నుండి, ఏ విధంగా పనిచేస్తున్నారో తెలియనప్పుడు, భారతదేశం పట్ల నిబద్దతా నిజాయితీ గలవారు, తాము చేస్తున్న కుట్రను ఎదుర్కోలేక, కష్టానష్టాలకి వెతలకీ ఏ విధంగా గురయ్యారో... ఇప్పుడు నెం.5 వర్గంలో ఎవరు, ఎక్కడి నుండి, ఏ విధంగా పనిచేస్తున్నారో తెలియక నకిలీ కణిక వ్యవస్థా, నెం.10 వర్గమూ అందులోని కీలక వ్యక్తులు, అదే విధంగా అతలాకుతలం అవుతున్నారు.[చేసిన కర్మ అనుభవించటం లేదా సువర్ణముఖి.] దాన్ని గురించిన సమాచారం ఏదైనా మా దగ్గర ఉండవచ్చన్న అనుమానంతోనే మమ్మల్ని వేధించటమూ, నమ్మించ ప్రయత్నించటమూ చేసారు, చేస్తున్నారు.

అయితే, అందుకోసం మమ్మల్ని ఎన్ని రకాలుగా వేధించారో... అందులో నుండే... నకిలీ కణిక వ్యవస్థ, నెం.10 వర్గమూ అందులోని కీలక వ్యక్తులు రామోజీరావు, సోనియాలు, చంద్రబాబునాయుడులు నిరూపితమయ్యారు. దృష్టాంత పూరితంగా, సాక్ష్యాధార పత్రాల సహితంగా! ఇందుకోసం ’ఓటమే స్ట్రాటజీ’గా ఉపయోగింపబడింది. వివరంగా చెబుతాను.

మా విషయంలోనే కాదు, దేశం విషయంలోనూ ’ఓటమే స్ట్రాటజీ’గా ఉపయోగింపబడింది. నెం.5 వర్గం, నకిలీ కణికవ్యవస్థతోనూ, నెం.10 వర్గంతోనూ యుద్దానికి ఎంచుకున్న వ్యూహం అదే!

ఇక్కడ మీకు భారతీయ ఇతిహాసం, భాగవతం నుండి ఓ ఉదాహరణ ఇస్తాను. ఈ కథ దశమ స్కందంలోనిది.

బలరామ శ్రీకృష్ణులున్న మధురాపురి మీదికి జరాసంధుడు 17 సార్లు దండెత్తి పరాజయం పాలై పద్దెనిమిదో సారి దండయాత్రకు బయలుదేరుతాడు. ఆ సమయంలో మరోవైపు కాలయవనుడూ మధురపైకి యుద్దానికి రానున్న సమాచారం తెలుస్తుంది. [గ్రీకులని మనవారు యవనులుగా పిలుస్తారు. ఈ కాలయవనుడికీ, ఆ గ్రీకులకీ కాలమాన ప్రాదేశిక సంబంధాలేమైనా ఉన్నాయేమో!]

దానితో బలరామకృష్ణులు, విశ్వకర్మ సహాయంతో సముద్రమధ్యలో ద్వారకా పురిని నిర్మించి, మధురాపుర వాసులందరినీ ద్వారకా పురికి చేర్చుతారు. తదుపరి శ్రీకృష్ణుడు ఒక్కడే, పురం వీడి, దాడికి వస్తున్న కాలయవనుడికి ఎదురు వెళతాడు.

ఎదురొచ్చిన కృష్ణుణ్ణి చూసి కాలయవనుడు మొదట ఆశ్చర్యపోతాడు. తర్వాత మీదికి రా ప్రయత్నించాడు. శ్రీకృష్ణుడు వాడి మీది యుద్దం చేయకుండా, పారిపోతున్నట్లుగా పరుగు ప్రారంభించాడు. కాలయవనుడు శ్రీకృష్ణుణ్ణి నానామాటలూ అంటాడు. అవమానకరమైన దూషణలు చేస్తాడు. "ఓ యదువంశీయుడా! యుద్దప్రారంభం కాకుండానే వెన్నుచూపి పరుగుపెట్టే నువ్వు రాకుమారుడివేనా? సిగ్గులేదు" అని తరుముతుంటే, శ్రీకృష్ణుడు చిరునవ్వులు జల్లుతూ "ఓ కాలయవనా! అధిక ప్రసంగాలెందుకూ? రా! నా వెనకే రా!" అంటూ చిత్రివిచిత్ర గమనాలతో వాడిని ఆడిస్తూ, సాగి సాగి చటాలున ఓ కొండగుహలో ప్రవేశిస్తాడు.

ఆ గుహలోనే శ్రీకృష్ణుని మట్టుపెట్టాలని, తీవ్రక్రోధంతో లోపలకు పోయి చూడగా, కాలయవనుడికి అక్కడ గుర్రుపెట్టి నిద్రించే వ్యక్తి కన్పించాడు.

"ఓహో! ఈ పన్నాగం పన్ని నిద్రపోతున్నావా? ఇదిగో నా కాలితాపుతో నీ ప్రాణాలు తీసేస్తాను. చూడు!" అంటూ కాలయవనుడు ఒక్కతన్ను తన్నాడు.

గాఢనిద్రసమాధిలో ఉన్న ఆ పురుషుడు కనులు విప్పి చూడగా, ఆ చూపులకు కాలయవనుడు క్షణంలో భస్మీపటలం అయ్యాడు. అలా నిద్రిస్తున్న వ్యక్తి ముచికుందుడు. ఇక్ష్యాకు వంశీయుడైన మాంధాత పుత్రుడు. దేవదానవ యుద్దంలో దేవతలకు సాయపడి, విజయం చేకూర్చిన వాడు. అలసట కారణంగా దేవతల నుండి గాఢనిద్రని వరంగా పొంది నిద్రిస్తున్న వాడు. తనకు నిద్రా భంగం కల్గించిన వారిని భస్మీకరించగల శక్తి గలవాడు. ఆ విధంగా ముచికుందుని చేత కాలయవనుణ్ణి బూడిద కుప్పగా చేయించిన శ్రీకృష్ణుడు, ముచికుందుడికి జన్మాంతర ముక్తిని ప్రసాదిస్తాడు. ఆ సందర్భంలో శ్రీకృష్ణుడు "ముచికుందా! నీ జన్మధన్యమయింది. ఒక్కమాట. ఎవరికయినా కర్మఫలం అనుభవించక తప్పదు కనుక, ఈ జన్మలో నువ్వు వినోదంగా వేటాడి జీవహింస చేసిన పాపం ఉంది. తపస్సుతో ఆ పాపం ప్రక్షాళన చేసుకొని మరొక జన్మలో ఉత్తమ సంస్కారం పొంది నన్ను చేరతావు" అంటాడు.

ఆవిధంగా, సాక్షాత్తూ భగవత్ సాక్షాత్కారం పొందినా, కర్మఫల శేషం అనుభవింపక తప్పదని చెబుతాయి భారతీయ ఇతిహాసాలు. ఈ విషయం ప్రక్కన బెడితే... ఇక్కడ శ్రీకృష్ణుడు ’ఓటమే స్ట్రాటజీ’గా తీసుకున్నాడు. కాలయవనుడు తనను తరుముతుంటే.... ఓడిపోతున్నట్లుగా, పోరాడలేక పోతున్నట్లుగా... పరుగుల పెడుతూ గుహలో దూరి, ముచికుందుడి చేత కాలయవనుణ్ణి సంహరింప చేస్తాడు.

నెం.5 వర్గమూ, పీవీజీ ఎంచుకున్న గూఢచర్య యుద్ద తంత్రం కూడా ఇదే! 1996లో తన AICC అధ్యక్ష పదవి ఊడగొట్టినప్పుడూ, తదుపరి ఎన్నికలకు టిక్కెట్టు సైతం నిరాకరించినప్పుడూ, అత్యంత అవమానకరంగా ఇంటికి పంపించినప్పుడూ, తన మీద జె ఎం ఎం ముడుపుల కేసుల వంటివి బనాయించి కోర్టుల చుట్టూ తిప్పినప్పుడూ, పీవీజీ అమలుపరిచింది ఈ ’ఓటమి స్ట్రాటజీ’నే!

అప్పుడే కాదు, చివరికి పీవీజీ మరణించినప్పుడు, AICC , అధ్యక్ష అధిష్టాన దేవత సోనియాలు పీవీజీ పార్దివ శరీరాన్ని కూడా అవమానించి నప్పటి నుండీ, ఇప్పటి దాకా నెం.5 వర్గం అనుసరించింది ’ఓటమి స్ట్రాటజీ’నే. ఎందుకంటే - నెం.5 వర్గం, నకిలీ కణిక వ్యవస్థనీ, నెం.10 వర్గంనీ, అందులోని కీలక వ్యక్తులైన రామోజీరావు, సోనియా, అద్వానీల వంటి వారిని తానుగా సంహరించదలుచుకోలేదు. ముచికుందుడి లాగా నిద్రవస్థలో ఉన్న ప్రజలని, జాగృదావస్థకు చేర్చి, చైతన్యంతో రగిల్చి, ఆ ప్రజల చేతే నకిలీ కణిక వ్యవస్థనీ, నెం.10 వర్గాన్నీ, అందులోని కీలక వ్యక్తులనీ సంహరింపచేయదలుచుకుంది. ఇక్కడ సంహారం అంటే భౌతికంగా మాత్రమే కాదు, వ్యవస్థాపరంగా, వ్యక్తిత్వపరంగా కూడా!

ఎందుకంటే - గూఢచర్య యుద్దం అంటే శతృవుని చంపటం కాదు. తెలివి తేటలతో శతృవుని నిర్వీర్యం చేయటం. ఆ యుద్దరీతిలోనే నెం.5 వర్గం ఇప్పటి వరకూ నకిలీ కణిక వ్యవస్థా, నెం.10 వర్గమూ ప్రచారించిన అసత్యాలన్నిటినీ పటాపంచలు చేస్తోంది. సత్యాలని బహిర్గతం చేస్తోంది. నమ్మకాలని నిలబెడుతోంది. మిధ్యా సిద్దాంతాలని దృష్టాంతసహితంగా కూల్చి చూపిస్తోంది. ప్రపంచవ్యాప్తంగా ఇప్పుడున్న ఆర్ధిక మాంద్యం నిరూపిస్తోంది దీన్నే. ఆర్దిక శాస్త్ర సిద్దాంతాల డొల్లతనం, కాగితాల మీద పెంచబడిన సంపద, వేనోళ్ళ మీడియా ప్రచారించిన ఆర్ధికాభివృద్ది ఎంత ఆశాశ్వతమో [తుమ్మితే ఊడే ముక్కులాగా] ఇప్పుడు నిరూపించబడుతోంది.

నిజం చెప్పాలంటే ఇప్పుడు మనం చూస్తున్న ఆర్ధిక మాంద్యం ప్రారంభమై పదేళ్ళవుతోంది. అందులోని హెచ్చుతగ్గులని, తమ ప్రచారంతో, ప్రయత్నపూర్వక ఉద్దీపనలని చూపిస్తూ "ఏం లేదు. మాంద్యం తాత్కాలికమే. రెండేళ్ళలో గట్టెక్కాం, చూశారా!" అంటూ 2001 తర్వాతి సంవత్సరాల్లో కొంతమేర మసిబూసి మారేడు కాయ చూపెట్టారు. ఇప్పుడూ అదే ప్రయత్నం చేస్తూ "అయిపోయింది, అయిపోయింది. మాంద్యం ముగిసింది" అనీ "ఇంకేముంది? మాంద్యం నుండి గట్టేక్కేసాం!" అనీ ప్రచారిస్తోన్నారు. ’నిజానికి నిజమైన మాంద్యం ఇంకా ప్రారంభం కాలేదనుకోవచ్చు’ అని దలాల్ స్ట్రీట్ నిపుణుడు[స్టాక్ ఏక్చేంజ్ బ్రోకర్] భరత్ ఝన్ ఝన్ వాలా అన్నాడు. ’తన అంచనా తప్పయితే వేచి చూడాల్సిందేనని’ కూడా అన్నాడు. మనమూ వేచి చూడాల్సిందే లెండి.

ఇక ఈ గూఢచర్య యుద్దంలో ’ఓటమే స్ట్రాటజీ’గా నెం.5 వర్గం ఎందుకు ఎంచుకుందో, ఓటమినే గెలుపుగా మలుచుకుంటూ లక్ష్యాన్ని ఎలా సాధించిందో, సాధిస్తోందో పరిశీలించాలంటే...

మరిన్ని విషయాలతో తదుపరి టపా.
అందాకా అమ్మ కడుపు చల్లగా అందరికీ మంచి జరగాలి.
సర్వేజనా సుఖినో భవంతు!

2 comments:

May I Know why you are including Mr L K Advani name in this list?

read previous posts. :)

Post a Comment

నా చిన్నారి బ్లాగు:

నా ఇతర బ్లాగులు:

Followers

Labels

Blog Archive

Political Coups, History, stories, Philosophy, life story and many things.
మాలిక: Telugu Blogs
కూడలి

Add-Telugu